ஒன்றுமில்லை!
காலம்: சிங்கை சிங்கங்களின் சந்திப்பு ! மணி மாலை நாலரை, எழுந்திருப்பதா வேண்டாமா? எப்படியும் பதிவர் சந்திப்புக்குச் செல்ல தாமதமாகி விடும். முன்னாடி திட்டமிட்டது போல் தின்பண்டம் எதுவும் வாங்கவும் முடியாது. மேலும், இப்படி காலந்தாழ்த்தி செல்வது தவறு. பேசாம தூக்கத்தைத் தொடரலாம்னு கண்ணை மூடிட்டேன். ஆனாலும் மனப்போராட்டம் தொடர்ந்துட்டே இருந்துச்சு. 'நீ கலந்துக்க கிடைச்ச முதல் வாய்ப்பு. அப்புறம் கோவி எப்ப ஏற்பாடு பண்ணுவார்னே தெரியாது. பேசாம கிளம்பு. வாடகை வண்டி எடுத்தா எப்படியும் சரியான நேரத்துக்கு சேர்ந்துடலாம்' 'இல்ல, இல்ல இப்படி நேரந் தாழ்த்தி போயி அவங்களை காக்க வைக்கிறதுக்கு, ஒரு அரை மணி நேரம் கழிச்சு எந்திரிச்சு அவங்ககிட்ட தவிர்க்க முடியாத வேலை(!) வரலைன்னு சொல்லிடலாம். தூக்கமாவது கிடைக்கும்.' இது ரொம்ப நல்ல பரிந்துரையா இருந்துச்சு. நல்ல காரணம்னு அப்படியே ஆழ்நிலை தூக்கத்துக்கு இறங்கிக் கிட்டே இருக்கும் போது அந்த அதட்டல் கேட்டது. 'டேய், நீ இப்படி யோசிச்சிருந்தீன்னா உன் திருமணத்துக்கே உன்னால போயிருக்க முடியாது'. வாரிச்சுரிட்டி எழுத்து, 'ஒரு காப்பி' கத்திட்டே முக...
Comments
//வரும் ஞாயிற்றுக்கிழமை (15-06-08) அன்று சென்னை எல்டாம்ஸ் ரோடு பார்வதி மினி ஹாலில் தமிழ்மண நிர்வாகிகளோடு நேருக்கு நேர் ஏற்பாடு செய்யப்பட்டிருக்கிறது.// நம்ம லக்கி லுக் இல்லீன்னா பாலபாரதி பிளாக்குக்கு போய் உங்க பிரச்சினைய போட்டு வைங்க. அவங்க கேட்டு பதில் தருவாங்க..
தொடர்ந்து எழுதுங்க.
show details 6:13 PM (25 minutes ago) Reply
அவர் இன்னும் பல வெண்பாக்களைப் படித்தால் அவரது எழுத்து இன்னும் சிறப்பாக அமையும்.
ஒவ்வொரு அடிக்குள்ளும் மோனை இருக்கவேண்டும். 1-3 சீர்களில் இருந்தால் சிறக்கும்.
------------------
கொள்ளை அடிப்பார்; கொலைக்கும் துணிபவர்;
கள்ளம் நிறைந்தார் வலியனை வெல்லும்
தருணம் பொருந்தவே நாரதன் கேட்டான்
'கருமப் பழியார் உடைத்து?'
வெண்பாவில் பொதுவாக இரண்டு வகை. - இன்னிசை வெண்பா, நேரிசை வெண்பா. 4 அடி வெண்பாக்கள் இவ்விரண்டுள் ஒன்றாகும்.
4 அடிகளும் ஒரே எதுகை அமைவது ஒன்று.
1,2 அடிகள், 2ம் அடியின் 4வது சீர் - இவை ஒரு எதுகை பெற்றும், 3,4 அடிகள் வேறு எதுகை பெற்றும் அமைவது இன்னொரு வகை.
'வெல்லும்' என்பதைக் 'கள்ளம்', 'கொள்லை' என்பவற்றோடு சேர்த்து இன எதுகை என்று கொள்ளலாம். (அதாவது எல்லாம், ல்,ள், போல இடையின எழுத்துகாளால் அமைந்துள்ளது). ஆனால் அது அவ்வளவு சிறப்பு அன்று.
------
அல்லது ஆற்றுவான் ஈட்டும்பழி ஒப்புவர்
இல்லை உவனிடம், உண்மையிது! - பொல்லாமை
நீங்கி வலியவன் வால்மிகி ஆகினன்
இங்கனம் இல்வாழ்வு துறந்து.
குற்றியலுகரப் புணர்ச்சியில் கவனம் தேவை.
கனிச்சீர் வரக்க்கூடாது.
வெண்டளை கட்டாயம் இருக்க வேண்டும்.
"இங்கனம் இல்வாழ்வு துறந்து" என்பதை
'இங்ஙனம்இல் வாழ்வு துறந்து' என்று பிரித்தால் வெண்டளை சரியாக இருக்கும்.
----------
அன்புடன்,
வி. சுப்பிரமணியன்
திரு முகவை மைந்தன், என் நண்பருக்கு உங்கள் கவிதையை அனுப்பினேன். சிறந்த ஆசுகவி ஆன அவரின் பதில் இது. உங்களுக்கு ஏதானும் சந்தேகம் இருந்தால் அவரின் ஐடியைக் கொடுக்கலாமா எனக் கேட்டு வாங்கித் தருகின்றேன். இதை வெளியிடுவதும், வெளியிடாததும் உங்கள் விருப்பைப் பொறுத்தது. மிக்க நன்றி, உங்கள் பின்னூட்டத்துக்கும், வரவுக்கும், தொடர்ந்து பின்னூட்டங்களை முடிந்த போது அளிக்கவும். நன்றி.
//நம்ம லக்கி லுக் இல்லீன்னா பாலபாரதி பிளாக்குக்கு போய் உங்க பிரச்சினைய போட்டு வைங்க. அவங்க கேட்டு பதில் தருவாங்க.. //
இரண்டாவது விண்ணப்பம் தமிழ்மணத்தின் ஒப்புதலைப் பெற்று என் பதிவுகள் அங்கே தெரிகின்றன. உதவிக்கு நன்றி. பதிவுகளை தொடர்ந்து வாசியுங்கள்.
கீதாம்மா, வழிகாட்டுதலுக்கு நன்றி. சுட்டி தந்து என் பதிவில் வெண்பாக்களை வெளியிடுகிறேன். அவ்வப்போது சரி பாருங்கள்.
ஜெகதீசன், இங்கயும் புன்னகை தானா? வருகைக்கு நன்றி.
ஒன்றுமில்லை என்று உணர்பவரே
அறியார், தெறியார், வெறியார்.
உங்களை அல்ல:)