கடந்த பாராளுமன்றத் தேர்தலில் வலைபதிவர்கள் பெரும்பான்மையாக ஈழத்தமிழர் நலன் சார்ந்த கட்டுரைகள் வெளியிட்டு வந்தனர். மைய அரசு தமிழர் நலனைப் புறக்கணிக்கும் வகையில் செயல்படுவதாகவும், அந்தக் கூட்டணியை எதிர்த்து வாக்களிக்க வேண்டும் என்றும் பரப்புரைகள் செய்யப் பட்டன. மாற்றம் வேண்டும் என்பதை முன்னிறுத்தி குழுக்களாகவும் செயல்பட்டனர்.
அதற்கு எதிர்வினைகளும் இருந்தன. அதில் முக்கியமான ஒன்று வலைபதிவர்கள் கருத்துகள் தேர்தலில் எந்த பாதிப்பையும் ஏற்படுத்தாது என்பது. தேர்தல் முடிவுகளை உற்றுப் பார்த்தால் பதிவர்கள் தேர்தலில் கணிசமான பாதிப்பை ஏற்படுத்தி இருக்கிறார்கள் என்றே தோன்றுகிறது.
முன்பு நடந்த தேர்தல்களில் படித்தவர்கள் நிறைந்திருப்பதால் நகரப் பகுதிகள் திமுகவுக்கு ஆதரவானதாக கருதப்படும். இந்தத் தேர்தலில் நகரப் பகுதிகள் பெரும்பான்மையாக திமுக கூட்டணியைக் கை விட்டு விட்டன. மாநகராட்சிகளில் நெல்லை, மதுரை தவிர அனைத்து மாநகராட்சி அடங்கிய தொகுதிகளையும் அதிமுக பெற்றிருக்கிறது. பதிவர் நடவடிக்கைகள் நிறைந்த தொகுதிகள் இவை. பதிவர் கருத்துகள் மக்களிடம் சேர்ந்துள்ளன. அவற்றை மக்கள் ஏற்றுக் கொண்டிருக்கிறார்கள் என்றே தோன்றுகிறது.
தென் சென்னை, மதுரை போன்ற தொகுதிகளில் பணத்தை விட தனிப்பட்ட உழைப்பும், ஆளுமையுமே வெற்றி பெற்றுத் தந்ததாக நினைக்கிறேன். தூத்துக்குடி, கன்னியாகுமரி படித்தவர்கள் நிறைந்த தொகுதிகள். ஆனால் தேர்தல் என்று வந்தால் சாதி, மத அடிப்பபடையில் மட்டுமே வாக்களிப்பதால் அவற்றை இங்கே பெரிதாகக் கணக்கில் எடுத்துக் கொள்ளவில்லை.
பதிவர்கள் இன்னும் ஆக்கத்துடன் பரவலாக செயல்பட்டால் வருங்காலத்திலும் தேர்தலில் சிறப்பாக பங்காற்ற முடியும். மேலும் முயன்றால் தேர்தலில் வென்று சட்டமியற்றும் மையங்களுக்கு தேர்ந்தெடுக்கப் படலாம் என்றே கருதுகிறேன். மற்ற நாடுகளில் பதிவர்கள் என்ற அடையாளத்துடன் வேட்பாளர்கள் வென்றிருக்கிறார்கள். ஆர்வமுள்ளோருக்கு வாழ்த்துகள்.
=====================================================
Comments
பொறுப்புள்ள பதிவுகள் கட்டாயம் அதிகளவில் வரவேண்டும்.
நல்ல பதிவு, இன்னும் ஆக்கமாக பதிவு போட்டால் நீங்க சொன்ன மாதிரி எனக்கும் என் பதிவும் சரி நண்பர்களின் பதிவும் சரி கதையாக சிறந்த பார்வர்ட்டாக வந்து இருக்கிறது..
நல்ல பதிவுகள் எப்படியும் காலத்தால் அழியாம சுத்தி கொண்டு தான் இருக்கும்
இதிலிருந்து ஏதாவது புரிகிறதா என பாருங்கள்.
இன்னமும் இணையம் பயன்படுத்துவோருக்கும் மற்றவர்களுக்கும் உள்ள விகிதாச்சாரம் மிக அதிகம்.
சமூக அக்கறையுள்ள பதிவுகள் நிறைய வர வேண்டும் என்பதை
வரவேற்கிறேன்.
வருகைக்கும் கருத்துக்கும் நன்றி.
@சுரேஷ்
நல்வரவு, நன்றி.
//நல்ல பதிவுகள் எப்படியும் காலத்தால் அழியாம சுத்தி கொண்டு தான் இருக்கும்//
உண்மை.
//இதிலிருந்து ஏதாவது புரிகிறதா என பாருங்கள்.//
அடங்க மாட்டீங்கன்னு தெரியும்ல:-)))))))))
@டொன்லீ, அறிவிலி
எனக்கென்னமோ பதிவுகளின் வீச்சை பொதுவாகவே நாம் குறைத்து மதிப்பிடுகிறோம்னே தோணுது. பதிவர் என்ற ஒரே அறிமுகத்துடன் ஒருவர் தேர்தலில் வெல்லும் நாள் தொலைவில் இல்லை என்றே தோன்றுகிறது.
வழி மொழிகிறேன்
இதை மட்டுமே ஒத்துக் கொள்ள முடியும்.
கோவி, இடுகைகளின் கருத்து பதிவர்களோடு நின்று விடும் என்றால் விழுகாட்டு ஒப்பீடு பேசலாம். இடுகைகள் செய்திகளின் பல கோணங்களையும் (அதைப்) படித்தவர்களிடம் கொண்டு சேர்த்தன. வெளிப்படையான இட்டீடுகள் நடந்தன. விளைவு தேர்தலில் எதிரொலித்தது எனக் கருதுகிறேன்.